ROXAS CITY- Matawhay ang pila ka mga Pilipino nga yara sa karun sa United Arab Emirates (UAE), kadungan sang pagselebrar sang Eid’L Fiter.
Sa interview sang Bombo Radyo kay Soledad Frondosa Bombo International Correpondent direkta sa United Arab Emirates (UAE) ginpahayag sini nga ang Eid Al-Fitr tanda sang pagtakop sang Ramadan.
Indi kaparehas sang Paskwa, ang Eid wala nagapatak sa isa ka petsa sang kalendaryo nga Gregoryan, ang petsa sang Eid nagabag-o suno sa Islamikong kalendaryo sang lunar.
Isa man ini ka kapistahan bangud isa ini ka opisyal nga pampubliko nga kapistahan nga nagadugay sang halos tatlo ka adlaw.
Ginpahayag man ni Frondosa nga ginasuguran sang mga muslim ang adlaw pinaagi sa pagpaligo, pagsuksok sang pinakamaanyag nga bayo kag pagkaon sang datiles antes magpadulong sa masjid agud suguran ang pagpangamuyo.
Ini man nga tion agud magtililipon ang mag-pamilya sang mga muslim agud magkaon sang dululungan, magprosisyon kag maghinala.
Tradisyon man sang mga ini nga maghatag sang mga regalo sa mga kabataan kag pamilya bilang tanda sa nasambit nga selebrasyon.
