Nagataas na ang excitement sang pila ka mga Pilipino sa Mexico para sa palaabuton nga 2026 FIFA World Cup.
Suno kay Bombo Luzviminda Tating , International Correspondent direkta sa Aguascalientes, Mexico, makita na sa nagkalain-lain nga bahin sang siyudad ang mga banners, posters kag jersey sang mga kilala nga football players bilang kabahin sang preparasyon para sa nasambit nga international sporting event.
Pahayag pa niya, kilala ang mga taga Mexico bilang masugid nga mga fans sang football, gani bisan mataas ang presyo sang tickets, padayon gihapon ang pagbakal sang madamo agud masaksihan ang mga hampang sang ila ginasuportahan nga mga koponan.
Dugang pa sini, may yara man sang malapit nga mga sinehan kun sa diin malantaw ang hampang live sa mga indi makakadtu sa venue.
Nahibaluan nga pagahiwaton ang 2026 FIFA World Cup halin Hunyo 11 tubtob Hulyo 19, 2026, nga pagapasakupan sang 48 ka teams.
Ang nasambit man nga torneo ang tumalagsahon man bangud sa tatlo ka host countriesang mangin venue nga amo ang United States, Mexico kag Canada.
