Nagalaum ang pila ka mga Pinoy sa Qatar nga magapadayon ang malinong nga pagpangabuhi sa pagtapos sang ceasefire sa tunga sang USA kag Israel batok sa Iran.
Suno kay Dennis Sarmiento Mota, international correspondent direkta sa Qatar, ang nagluntad nga tension sa Qatar ang nagdala sang kahadluk kag pagkabalaka sa ila ilabi na sa asud-asud nga pagbayluhanay sang missile strike nga nagbilin sang kahalitan.
Pahayag pa niya, sa subong, apisar natapos na ang ceasefire, daw kaangay nagabalik naman ang normal nila nga pagpangabuhi sa pungsod nga isa ka maayo nga senyales nga magapadayon ang peace talks sa bulig sang pungsod Pakistan.
Samtang, may pila man ka mga Overseas Filipino Workers ang natigayon nga makapauli sa Pilipinas sa tunga sa bulig man sang Emabahada sang Pilipinas kag Department of Migrant Workers.
Ginpasiguro man sang natungdan sa iya nga pamilya nga maayo ang ila nga kahimtangan apisar sang padayon nga kinagamo sa Middle East.
