ROXAS CITY -Nagpaandam ang Land Transportation Office ukon LTO Region 6 sa pagpatuman sang “No plate, No Travel” policy sa mga motorista sa Western Visayas.
Ginpahayag ni Riza Otayde Regional Information Officer sang Land Transportation Office ukon LTO Region-6, nga mahimo na nga makuha sang mga motorista sa tagsa ka mga dealers ang wala pa narelease nga mga plaka.
Suno kay Atayde nga may pila na ka mga plaka nga narelease sa mga dealers kalakip ang mga plaka sang tuig 2013 apang ang mga plaka sang 2014-2015 ang wala pa narelease bangud padayon pa nga gin-obra sang LTO.
Ang mga plaka sang tuig 2016 ang narelease na tanan magluwas sang bulan sang Pebrero kag Mayo, ang mga plaka sang tuig 2018 ang narelease na tanan magluwas sa bulan sang May tubtob Oktubre samtang ang mga plaka sang 2019 magluwas sa bulan sang Enero tubtob Marso kag ang plaka sang tuig 2020 ang lunsay wala pa release sang LTO.
