Nagapangatubang sa panibag-o nga banta sang gulpihan nga pagbaha ang pila ka mga probinsya bangud sa wala untat nga pag-ulan.
Suno sa state weather bureau, epekto ini sang nagabaskog nga northeast monsoon ukon amihan kag easterlies nga nagatuga sang mga pag-ulan sa mga probinsya.
Ginakalakipan ini sang probinsya sang Cagayan Valley, kag mga probinsya sang Aurora, kag Quezon nga nagapanguna nga naapektuhan sang Amihan.
Sa Southern portion naman sang pungsod, posible nga maka-eksperyensya sang mga pagbaha ang mga probinsya sang Surigao del Norte, Surigao del Sur, Dinagat Islands, kag Davao Oriental bangud sa easterlies.
Kun nagpadayon ang mga pag-ulan, ginpanugyanan sang weather bureau ang posibilidad sang mga landslide ilabi na sa mga lugar nga anay na nga nababad sa tubig-ulan.
Maluwas sa mga namensyunar nga probinsya, posible naman nga makabatyag sang maayo nga tyempo ang dako nga parte sang pungsod samtang nagapabilin naman nga wala sang banta sang low pressure area sa alinman nga katubigan sang pungsod.
