Magapatigayon sang Peoples Strike ang pila ka progresibo nga grupo sa Iloilo kag Panay Island subong nga adlaw, Setyembre 29 tubtob bwas, Setyembre 30 , bilang panawagan batok sa asud-asud nga pagsaka sang presyo sang gatong kag iban pa nga mga problema nga nagaapekto sa transport sector kag mga mamumugon.
Sa interview sang Bombo RAdyo kay Raoul Manuel, Karapatan National Council member, ginapaabot nila nga magdamo ang magapartisipar sa amo nga hublag, nga yara sa 400 tubtob 500 ka mga indibidwal gikan sa nagkalain-lain nga sektor.
Kabahin sa magapartisipar ang PISTON, MANIBELA, mga lokal nga transport association sa Iloilo kag Negros Panay United alliance, nga ginapangunahan sang No to Oil Price Hike Coalition Panay.
Suno kay Manuel, indi bastante ang provisional fare increase bilang sabat sa pagsaka sang presyo sang gatong, gani ginapanawagan nila ang pagsuspinde sang Oil Deregulation Law, pagkakas sang excise tax kag E-VAT sa petroleum products, kag substantial wage hike para sa mga mamumugon.
