ROXAS CITY – Ginklaro ni Provincial Planning Officer Stephen Bediones nga wala ini sang kahilabtanan sa kapin 5 milyones pesos nga road-concreting project para sa lima ka mga barangay sa banwa sang Dao.
Ini ang paathag ni Bediones kasunod sang pag-isyu sang Notice of Suspension sang Commission on Audit (COA) sa nasambit nga proyekto sa amo nga banwa
Apang gin-ako ni Bediones nga may ginpirmahan ini nga duha ka mga proyekto nga amo ang sa duha ka mga barangay sa banwa sang Pontevedra nga pagpahamtang sang mga streetlights.
Suno kay Bediones nga mangin siya ang nakibot sang naulamid ang iya pangalan sa nasambit nga isyu bangud wala ini nakapirma sang anuman nga dokumento para sa proyekto sa banwa sang Dao.
Mahibaluan nga temporaryo nga ginpauntat sang COA ang nasambit nga mga proyekto bangud may mga kinahanglan pa ma-comply agud mapadayon ini.
Kalakip sa ginapa-comply sang COA amo ang program of works, detailed estimates sang proyekto kag liquidation report.
Suno pa kay Bediones nga ginahulat na lamang sini ang Provincial Accountant agud mahibalaan ang nasambit nga isyu apang suno sa iya nga may yara na sila sang inisyal nga naestoryahan.
Mahibaluan nga ang nasambit nga mga proyekto nga ginpapanaugan sang Notice of Suspension sang COA ang nabaton sang nasambit nga mga banwa pinaagi sa financial assistance nga gin-release sang gobyerno-probinsiyal.
Mahibaluan nga ang pondo sa nasambit nga proyekto ang gin-release sang nakaligad nga administrasyon.
