Daku nga bulig para sa mga jeepney driver ang P5,000 nga cash relief assistance nga ginhatag para sa ila pang-adlaw-adlaw nga panginahanglanon.
Sa interview sang Bombo Radyo kay Jonito Mayo, isa ka jeepney driver, iya ginpahayag nga tuman ang pagpasalamat sini sa cash assistance nga ila nabaton bangud makabulig ini sa tuman nga pagsaka sang presyo sang gatong kag mga balaklon .
Suno kay Mayo, ang P5,000 nga ayuda angila gamiton sa pagbakal sang pagkaon, bugas kag iban pa nga importante nga kinahanglanon sang iya pamilya.
Pahayag pa niya, apisa nag-edad na siya, napilitan gihapon siya nga magpadayon sa pagtrabaho agud may maisuporta sa adlaw-adlaw nga panginahanglanon sang iya pamilya.
Nagalaum man ang natungdan nga magapadayon pa ang gobyerno sa paghatag sang dugang nga programa kag assistance para sa mga jeepney driver kag iban pa nga pigado nga sektor nga nagakinahanglan sang bulig.
