ROXAS CITY – Nagpalab-ot sang reklamo sa Bombo Radyo ang isa ka wala na nagpakilala nga senior citizen natuhoy sa pag-demolish sa isa ka covered court sa Barangay Quios, Panitan, Capiz.
Sa pagpakig-angut sang Bombo Radyo sa mga residente nga dismayado sila bangud hinali na lamang nga ginpaguba ang covered court nga wala sang pahanugot.
Ginpahayag sang tagreklamo nga halos atop nagid lamang ang kulang human na kuntani ang nasambit nga covered court.
Apang, nakibot na lamang ang mga residente sang ginaamat-amat na ini demolish gamit ang isa ka backhoe.
Sa interview sang Bombo Radyo kay Punong Barangay Francisco Bionela nga nagpadulong ini kay Governor Esteban Evan Nonoy Contreras agud magpangayo sang budget para sa pagpakaayo sang amo nga covered court kun sa diin ginhatagan ini sang P2.5 milyones.
Apang, ginapahayag nga ginpaguba ini sang bag-o nga contractor sang probinsya.
Magluwas diri, nagapakig-angut man sila kay Mayor Katherine Belo natuhoy diri.
Mahibaluan nga ang nasambit nga covered court ang ginpakaayo anay sadto sang tinalikdan nga administrasyon ni anay Mayor Generoso Derramas.
