ROXAS CITY, CAPIZ- Nagareklamo sa pagbinaha nga nagakatabo ang mga residente sang sa Sitio Pagutok, Barangay Dayao, Roxas City sa kada tion nga mabaskog ang ulan.
Sa interview sang Bombo Radyo kay alyas “Nene”, residente sang nasambit nga lugar, iya ginpahayag nga madamo sa ila ang nagakaapektuhan sang amo nga pagbinaha.
Suno kay alyas “Nene”, nagadalom ang ila nga alagyan kag nagamasakit dason ang mga kabataan sa kada tion nga nagabaha sa ila nga lugar.
Pahayag nya, kuntani mahatagan sang nagakaigo nga igtalupangod ang pagbinaha nga nagaluntad sa ila nga lugar agud nga makalikaw man sila sa malain nga epekto sa ila sini nga pagpangabuhi.
Dugang pa sang natungdan, kuntani kun magtambak sang mga ginabaha nga area, ipalab-ot man sa ila nga bahin indi kay sa pihak lang.
Interviewed by Bombo Francis Biñas
