CAPIZ – Nag-withdraw sang suporta ang pila ka mga residente sang Capiz para sa organisasyon nga ginaalegar naangot sa communist terrorist group (CTG) kag nagpromisa nga magaupod sa gobyerno sa diin ginlunsyar ang Project CAPeace-Tawhayan sa probinsya.
Nakabaton sang rice assistance ang mga anay supporters kag gin-endorso para sa livelihood programs sang Department of Social Welfare and Development kag sang Department of Labor and Employment agud mabuligan sang ila pagpangabuhi.
Sang Huwebes, nagpaidalom ang mga ini sang documentation kag nag-execute sang judicial affidavits sa Regional Task Force to End Local Communist Armed Conflict.
Gin-abi abi naman ni PRO 6 Acting Director Brig. Gen. Randulf Tuaño ang amo nga development kag ginpahayag nga ang boluntaryo nga pagbiya sa grupo, ang naga-reflect sa kagustohan sang mga indibidwal nga magsuporta sa kalinong kag katawhay nga mga inisyatibo sang ila mga komunidad.
Ang Project CAPeace-Tawhayan amo ang inisyatibo sang Capiz Police Provincial Office nga may katuyoan nga mapabaskog pa ang collaboration sa mga ahensya sang gobyerno sa pag-promote sang peace, security kag sustainable development.
