ROXAS CITY – Nagahilibion ang pila ka mga residente sang Panay Ville, Barangay Poblacion Ilaya, Panay, Capiz matapos ginapahayag nga ginpangsaraduhan ang ila mga units nga gina-istaran.
Sa interview sang Bombo Radyo kay Janeth Barrera, Barangay Kagawad sang amu nga lugar, ginpahayag sini nga wala sang pormal nga nagpalapit sa ila agud nga istoryahon ang mga pumuluyo nahanungod sa pagpangsara sang pila ka mga units sa lugar.
Suno kay Kagawad Barrera, mas maayo kun tani nga ginpahibalo man ang mga naga-istar sa unit kag ginhatagan sang notice kag gin-eksplekar sa ila ang rason sang ila pagpangsarado sang balay.
Matandaan nga mainit nga isyu sa karun ang pagpangsarado sa pila ka mga units sa amu nga lugar bangud sa ginapahayag ng peke ang ila mga dokumento nga gina-uyatan kag ginapakita.
