Ginaplano sang pila ka mga Senador nga dugangan pa ang budget sang Office of the Vice President (OVP).
Suno sa una nga gin-aprubahan sang House of Representatives, yara sa P733 million ang mangin budget kun tani sang OVP para sa 2025.
Kasubong man ginpahayag ni Senator Joel Villanueva nga gintutukan nila ang posibilidad sang pagtaas sa nasambit nga budget.
Suno kay Villanueva, nakahinun-anon na niya ang apat tubtob lima ka miyembro sang Senado kag tanan sila pareho nagpahayag sang kagustuhan nga dugangan ang pondo sang OVP.
Pahayag pa sang Senador, ang masubra katunga nga ginkuha sa pondo sang OVP ang indi makatarungan, ilabi na kag ginakabig niya ang nasambit nga opisina bilang ikaduha nga pinakamataas sa pungsod.
Suno sa Senado, gintan-aw nila ang nagikan sa P100 million tubtob P150 million nga digang-pondo sa nasambit nga opisina.
Sa pihak sini, ginpahayag sang Senador nga anuman ang pagadesisyon sang Kongreso angut sa pondo sang OVP iya ini gina-respeto.
