-- ADVERTISEMENT --
CAPIZ – Ginbaha ang pila ka mga talamnan sa banwa sang Sigma kadungan sang mamunog nga ulan dala sang Low Pressure Area (LPA).
Pila sa mga apektado nga kabarangayan amu ang Barangay Bangonbangon, Dayhagon, Acbo, kag Sitio Kapitongan sang Barangay Mangoso.
Ini bangud sa pila na ka adlaw nga untat sang pag-inulan sa probinsya.
Kaangut sini, may pila man ka mga dalan ang ginbaha kag natiphag nga duta kung sa diin naghatag sang huol sa mga residente partikular sa bahin sang Sitio Baklayan, Barangay Malapad Cogon.
Samtang, wala paman sang mga nabalhag nga reports nga may mga pumuluyo ang nagpadulong na sa evacuation center sa lugar.
Sa karon, padayon ang pagmonitor sang mga katapo sang Municipal Disaster Risk Reduction and Management Office (MDRRMO) Sigma, kag pagpakig-angut sa mga barangay officials ilabi ang mga flooded area.
