Nagapanghakroy ang pila ka mga tricycle driver bangud sang asud-asud nga pagsaka sang presyo sang gatong.
Sa interview sang Bombo Radyo kay Romulo Asis Autiangco, isa ka tricycle driver, iya ginpahayag padayon ang pagsaka sang presyo sang gatong apang wala man nagasaka ang pletehan.
Suno kay Autiangco, bangud sa pagsaka sang presyo sang gasolina, tig-50 pesos na lamang ang iya ginatughong sa tagsa ka tion agud makontrol ang iya ginagasto sa gatong.
Matandaan nga ang nahauna nga adlaw sang pagsaka sang presyo sang gatong ang ginpatuman sang September 8 , ang ikaduha naman sang September 15 kun sa diin naglab-ot sa P102.10 ang presyo sang gatong.
Nagalaum man ang natungdan nga mahatagan sang pagtamod sang gobyerno ang ila nga panawagan agud mahatagan sila sang bulig kag mapahagan-hagan ang ila nga ginabatyag.
