Nagapanawagan sa gobyerno ang pila ka mga tricycle drivers sa Roxas City nga kuntani panubuan ang presyo sang gatong.
Sa interview sang Bombo Radyo kay John Abenda, isa ka tricycle drivers, iya ginpahayag nga tuman gid ka budlay ang ila kita sa subong bangud man sa wala untat nga pagsaka sang presyo sang gasoline.
Suno pa kay Abenda, ang ila nga kita husto lang pangtughong sang gasolina kag panggasto sa adlaw2x.
Dugang pa niya, kon kaisa nagahulam nalang siya sa iay kaupod nga mga driver agud nga may pangbakal sang sud-an.
Pahayag pa niya nga madamu man sang pila ka mga drivers ang nag-untat na sa pagbiyahe.
Nagalaum man ang natungdan nga kuntani pamatian man sang gobyerno ang ila nga panawagan agud nga makabulig man sa ila nga indi sila mabudlayan sa pang-adlaw2x nga pagbiyahe.
