Arestado ang mga persona matapos nga madakpan sa akto nga nagapatigayon sang ilegal nga pagpangisda sa kalalawaran nga sakop sang banwa sang Panay.
Ang wala na ginhingadlan nga mga persona ang residente sa amu man nga banwa.
Nakuha sa ila posesyon ang isa ka unit sang 1 pump boat nga nagabalor sang P100,000, 1 unit sang kubuta desiel engine nagabalor P20,000,Fishing net nga nagabalor sang P200,000 kag mas o menus 30 ka kilo nga nagkalain-lain nga sahi sang isda nga nagabalor 6,000
Sa kabug-usan may yara ini sang balor nga P326,000 .
Ginlapas sang mga mangingisda ang municipal ordinance no. 03-02 series of 2003 ukon ang iligal nga pag pangisda
Sa karon, ginturn-over na ang mga arestado kag ang mga kompiskado nga mga kagamitan sa MENRO-Panay para sa nagakaigo nga disposisyon.
