Nagapabilin nga naka-deploy ang Humanitarian Assistance kag Disaster Response teams sang Philippine Army sa nagkalain-lain nga bahin sang Northern Luzon, agud magbulig sa pagbakwit sang mga residente nga apektado sang malapnagon nga pag-ulan.
Suno sa PA, pila ka mga Disaster Rescue and Response Units (DRRUs) gikan sa Philippine Army Major Units (PAMUs) ang ginpadala na sa nagkalain-lain nga komunidad sa Northern Luzon kag magapabilin didto tubtub sa katapusan mag-untat ang malain nga panahon.
Magluwas sa pagpatigayon sang life-saving rescue operations, ginhatagan man sila sang hilikuton nga magbulig sa serye sang mga relief operations sa mga apektado nga komunidad.
Suno sa PA, may ikasarang man ang mga units sa pagpatigayon sang clearing operations kag pagbulig sa mga lugar nga may narehistro nga landslides, rockslides, kag soil collapses.
Dala sang mga army unit nga gin-pangdeploy ang mga rescue boat, mga life vest, kag iban pa nga mga kagamitan, upod ang mga trak sang militar.
Suno sa PA, ang pagdeploy sang mga equipment kag units sa nagkalain-lain nga bahin sang Northern Luzon ang kabahin sang koordinasyon sini sa National Disaster Risk Reduction and Management Council (NDRRMC) nga amo ang nagapanguna sa unified response sang gobyerno.
53 ka lugar sa 8 ka rehiyon nakarekord sang pagbaha bangud sang bagyong crising– OCD
Narekord sang Office of the Civil Defense (OCD) ang 53 ka mga lugar sa walo ka mga rehiyon nga ginbaha sang damlag lang nga bagyo.
Suno kay OCD officer-in-charge Rafaelito Alejandro IV, narekord ang pagbaha sa mga lugar sa Ilocos Region, MIMAROPA, Bicol Region, Western Visayas, Central Visayas, Zamboanga Peninsula, Soccsksargen kag Caraga. Suno man sa isa ka opisyal sang OCD, 26 pa ka mga lugar ang nagapabilin nga nalumos sa tubig baha
