ROXAS CITY – Ginka-akig sang pila ka mga residente sang Angelville Subdivision sang Barangay San Jose, Roxas City ang paggamit sang ila nga pangalan kag perma sa pagreklamo sang mga barangay officials nga ginpalab-ot sa alkalde sang syudad.
Suno kay Ginang Maria, ila ginkakibot sang ila nahibaluan nga ang ila nga ginpermahan ang gingamit bilang complainant batuk sa mga barangay officials sang amo nga barangay.
Sa ila nga matandaan nga may isa ka miyembro sang Roxas City Disaster Victims Association ang nagpaperma sa ila sa isa ka kopon kag ginpasalig nga may yara sang may maabot nga bulig nagikan sa gobyerno sang syudad matapos nga naapektuhan sila sang bagyo Ursula.
Bangud diri, ginpakamaayo sang mga residente nga ipa-summon sa barangay si Mr. Roderick Dela Cruz, ang presidente sang nasambit nga asosasyon apang wala man ini nagtambong.
