ROXAS CITY – Indi balatian nga dengue ang ginakahangaw-an sang pila ka residente sang Sitio Bagungon, Barangay Culasi, sini nga syudad kundi ang pagkabalaka kun may iga-provide ang lokal nga gobyerno sang syudad sa ila nga puloy-an.
Sa interview sang Bombo Radyo kay Nida Samillano, sang nasambit nga lugar, suno diri nga kutob nalang sila sa Enero 31, 2023, nga gintalana nga plaso sang city government agud magbiya sa lugar.
Aminado man ini nga masami nagataas ang tubig-baha sa ila lugar kag tuman ini ka huol sa ila nga pagpangabuhi.
Samtang, sa kaso sang dengue, wala sila sang napagkit nga nagbalatian sa amu nga sakit, kag padayon man ang ila pagpanglimpyo sa ila lugar apisar sang maligna nga dalan.
Suno pa ka Samillano nga ginpalab-ot naman nila ini sa lokal nga gobyerno sang syudad kag nagalaum nga mahatagan sila sang igtalupangod.
Nahibaluan nga kapin 50 ka mga pamalay, suno kay Samillano may yara sa ila sitio.
