Nagapati ang pila ka mga senador nga “good choice” si Senator Sonny Angara bilang Department of Education (DepEd) Secretary kabaylo sang nag-resign nga si Vice President Sara Duterte-Carpio.
Suno kay Senate President Francis ‘Chiz’ Escudero, excellent choice para sa posisyon si Angara.
Ginaako sang senate leader nga pila ka malapit sa presidente ang nagapamangkot sa iya kun sin-o ang ipagabutang bilang mangin DepEd Secretary kag ang ginsabat sini amo si Angara.
Ginpahayag man ni Senator Sherwin Gatchalian nga bal-an na ni Angara ang problema sa sektor sang edukasyon kag bal-an naman sini ang solusyon bangud ini ang adbokasiya sini.
Dugang pa sini, nakakaupod man sini sa ubra sa 2nd Congressional Commission on Education ukon EDCOM 2 si Angara, rason nga bal-an nya sini nga good choice ini nga mangin DepEd Secretary.
Nagapati man si Senator JV Ejercito nga good choice bilang DepEd Secretary si Angara kag nagaasa man ini nga maikokonsiderar ini sang nasambit nga mambabatas.
