Ginapatuman sang pila ka mga unibersidad sa China ang pagpa-strikto sa paggamit sang Artificial Intelligence ukon AI.
Kadungan sini, naghatag sang mga tikang kag aksyon ang pila ka unibersidad sa China angut sa padayon nga paggamit sang AI tools sang mga college student.
Suno sa isa ka unibersidad, ang tanan nga undergraduate students nga naghiwat sang ila thesis nga magatapos subong nga tion ang magapaidalom sa hugot nga pagpangusisa agud mahibaluan kun AI-generated ang ila papel nga ginsumite.
Dugang sang nasambit nga unibersidad nga ang AI trial detection system nga ini ang magapalig-on sang integridad kag pag-uswag sang kalidad sang edukasyon.
Samtang, may isa naman ka buluthuan ang paliwaton ang mga ginhimo nga Thesis sang pila ka mga estudyante kun mag-resulta nga 40% sa ila nga nasambit nga pagtuon ang AI-generated.
Matandaan nga sang tinalikdan nga tuig, may yara nga ginsumite nga layi sa Standing Committee of the National People’s Congress nga nagadumili sa paggamit sang Artificial Intelligence ukon AI.
Sa pihak nga bahin, ginapahayag nga pagabawion ang nakuha nga “academic degree” kun mapamatud-an nga nagbayular ang estudyante sa anu man nga academic misconduct kaangay sang ghostwriting, plagarism ukon falsification.
