ROXAS CITY – Ginkalipay sang pila ka mga vendors nga nagabaligya sa sulod sang Burgos Talipapa ang pagdumili sa mga vendors man nga nagabaligya sa guwa sang ila merkado.
Ini ang ginpahayag ni Mrs. Rowena Bibit, fish vendor sa Burgos Talipapa sang mapakig-angutan sang Bombo Radyo.
Suno diri, mangin maayo na ang ila pagnegosyo ukon income bangud magadiritso na sa sulod sang Talipapa ang mga manugbakal indi pareho sadto nga wala na may nagasulod bagud sa guwa nalang nagabalakal.
Mahibaluan nga sumugod alas 4:00 sang hapon, nagapadulong na sadto ang pila ka mga vendors agud magpuwesto kag magbaligya sa guwa tubtob sa gab-i kun sa diin ginakabig sang pila ka mga vendors nga indi patas bangud nagabayad sila sang renta sa merkado.
Matandaan gindumilian na ang mga vendors magbaligya sa guwa bangud indi na matolerar ang ila kadamuon kun sa diin nagahatag perwisyo sa mga motorista.
