Naglab-ot na sa apat nga mga kaiping nga pungsod sang Pilipinas ang nagpromisa nga magapadala sang ila mga air asset.
Tinutuyo sini agud buligan ang gobyerno sang Pilipinas sa pagpatigayon sang rescue kag relief operation sa mga lugar nga naapektuhan sang bagyong Kristine.
Suno kay OCD Administrator and Undersecretary Ariel Nepomuceno, kalakip sa mga ini amu ang Brunei, Malaysia, Singapore kag Indonesia.
Pila sa mga ginpromisa sang mga ini ang C-130 aircraft, large choppers agud magbulig sa pagdul-ong sang mga relief supplies.
Samtang, ginklaro naman sang OCD nga bastante ang air assets sang pungsod apang indi man nila pagpamalabagan ang inisyatibo sang iban nga pungsod.
Pamatuod lamang ini suno diri nga mabakod ang relasyon sang Pilipinas sa mga nasambit nga lugar.
Mahibaluan magluwas sa mga ini, nagpromisa man sang bulig ang pungsod Taiwan.
