ROXAS CITY, CAPIZ- Nagpahayag sang nagkalain-lain nga opinyon ang pila sa mga pumuluyo sa probinsya sang Capiz angut sa pagpaiway sang Barangay and Sangguniang Kabataan Elections (BSKE) nga natalana kuntani sa Disyembre 1, 2025.
Sa mga pahayag nagikan sa mga pumuluyo nga na-interview sang Bombo Radyo, madamo sa ila ang pabor sa pagpa-iway sang BSKE. Suno sa iban, kontento man sila sa serbisyo sang pila ka mga opisyales sang Barangay kag kaangay indi pa man suno sa ila nga kinahanglan nga ilisan sang bag-o nga mga opisyal sa karon.
Sa pihak nga bahin, may mga pumuluyo man nga nagpahayag sang ila nga mga pagpamatok angut diri. Suno sa ila, panahon na agud nga mag-eleher sang bag-o nga mga opisyales agud mapaayo ang serbisyo kag matapna na ang padayon nga isyu sang pag-abusar kag pag-angkon sang mga proyekto nga indi man mapuslan sang mga pumuluyo.
Dugang pa sang iban, nangin mabudlay na para sa iban nga pumuluyo ang makita ang indi paghulag sang pila ka mga opisyal sang barangay sa mga nagapanguna nga kinahanglanon sang komunidad.
Sa pihak sang mga opinyon kag balatyagon sang mga pumuluyo, gin-anunsyo sang Commission on Elections nga natalana sa Agosto 12 ang pinal kag opisyal nga desisyon ni Presidente Ferdinand Marcos Jr. angot diri sa diin amo ang ginahulat sang tanan.
Madumduman nga may yara sang postponement bill nga ginsumiter sa opisina sang Presidente nga amo ang magapaiway sang BSKE 2025 nga natalana kuntani sa Disyembre 1, 2025, apang kun mapirmahan ang amo nga hagna, patigayunon ini sa Nobyembre 2026.
Interviewed by Bombo Francis Biñas
