YAPAK, Boracay Island – Nakuha sang isa ka Pilipina athlete ang bronze medal bilang international debut sa ginpatigayon nga 4th Southeast Asia Open Water Championships sa Boracay Newcoast Barangay Yapak, Boracay Island, Malay, Aklan.
Sa ginpatigayon nga competition si Jie Angela Mikaela Talosig, 20-anyos, naga eskwela sa La Salle bilang isa ka varsity swimmer nga nakakuha sang 1 ka oras, 18 minutes kag 57 seconds nga nakakuha sang ikatlo nga pwesto sa women’s 20-and-above division.
Samtang ang gold medal nakuha ni Nadya Sirasawati nga taga Indonesia sa oras nga 1:07.23, kag ginsundan naman ni Musikul Hirunhas nga representante sang Thailand nga nag-angkon sang silver sa oras nga 1:09.15.
Dugang man sa nakakuha sang isa pa ka bronze medal para sa Pilipinas si Julia Jewels Pobleto sa girls’ 12-13 3K sa oras nga 50:40.
Ginpangunahan naman ni Kanchana Konsub sang Thailand nga nakakuha sang gold sa sulod sang 47:16, samtang sa gihapon nakuha sa pambato sang Thailand ang silver medal nga si Aliyah Sawangmun nga may oras nga 49:48.
Wala naman nakasulod si Alfonso Joaquin de Mesa kun sa diin sa ang ikaapat naman nga pwesto sa boys’ 14-15 division nakuha niya sa oras nga 1:04.57.
Lakip sa nagdaog sa boys 14-15 division si Kantapong Polyiem sang Thailand nga nagkuha sang bronze sa 1:02.55, samtang si Vin Thai Bao Nguyen sang Vietnam nangin gold medalist sa oras nga 57:44 kag ang silver medal nakuha sa sulod sang oras nga 59:42 ni Sakdichot Talawong representative sang Thailand.
Nahibaluan nga ang tatlo ka adlaw nga kompetisyon gin-organize sang Philippine Sports Commission kag Philippine Aquatics Inc., kag gin-sanctioned sang Southeast Asian Swimming Federation.
