Gin-lift na sang gobyerno sang Pilipinas ang pork import ban halin sa Taiwan matapos gindeklara nga naresolba na ang African swine fever (ASF) outbreak.
Suno sa Department of Agriculture, ginpirmahan ni Agriculture Secretary Francisco Tiu Laurel Jr.,ang Department Circular No. 19, series of 2026, nga kakson ang ban nga ginpatuman sang Disyembre 2025.
Nahibaluan nga una na nga ginasakop sang ban ang buhi nga baboy kag iban pa nga pork products bangud sang ASF outbreak.
Ginpahayag man sang DA nga base sa ila evaluation, manubo ang risgo sang contamination, gani mahimo na nga magpadayon ang imports basta nagasunod lamang sa ginapatuman nga mga pagsulundan.
Matandaan, una na nga nagpatuman ang Pilipinas sang ban bilang kabahin sang mga tikang sa biosecurity agud mapunggan ang pagsulod kag paglapta sang ASF, isa ka makalalaton nga balatian sa sapat nga tuman nga nakaapekto sa industriya sang baboy sa pila ka mga pungsod, lakip na ang Pilipinas.
