-- ADVERTISEMENT --
Nag-income sang $3.06 million ang ube kag mga produkto nga human diri sa pangkalibutanon nga merkado sang 2025, suno sa Department of Trade and Industry–Export Marketing Bureau.
Ginapakita sini ang pagdabong sang ube halin sa tradisyunal nga lokal nga pagkaon padulong sa premium export product nga madahog sa Middle East, Estados Unidos, United Kingdom, kag Italy.
Suno sa DTI, padayon ang pagdamo sang mga produkto nga may ube kaangay sang ice cream, baked goods, kag dessert, samtang nagalapad man ang merkado sa Japan, China, kag US.
Ginsiling ni Trade Secretary Cristina Roque nga naghatag ini sang malapad nga oportunidad sa mga exporter, mangunguma, kag MSMEs, kag pamatuod sang ikasarang sang Pilipinas nga makigsabayan sa global market.
