Ginmarkahan ang Philippines bilang isa sa mga “underperformer” sa Asia para sa 2026 bangod sa maluya nga paggasto sa imprastruktura nga nagaapekto sa ekonomiya.
Suno sa report sang ANZ Research, ginpanubo ang forecast sang gross domestic product (GDP) sang Pilipinas sa 4.7 porsyento halin sa 5 porsyento bangod sa pito ka bulan nga sunod-sunod nga pagnubo sang infrastructure spending.
Ginpahayag man nga isa sa mga rason amo ang wala pa magamit nga pondo sang Department of Public Works and Highways (DPWH), nga naglab-ot sa kapin P30 bilyon nga wala pa nagastos.
Dugang pa, ginpunto sang report nga bisan pa may posibilidad sang interest rate cuts, indi ini sapat agud mapasanyog ang ekonomiya kon magapadayon ang maluya nga paggasto sang gobyerno.
Sa pihak sini, ginpaabot nga magapabilin nga mas manubo sa target nga 5-6 porsyento ang economic growth sang pungsod sini nga tuig, ilabi na nga nagaasa ang Pilipinas sa imported nga langis halin sa Middle East.
