Ginakabig sang Department of Tourism (DOT) nga ilabi pa nga magataas ang numero sang mga turista matapos nga mapirmahan na ang implementing rules and regulations para sa Value-Added Tax Refund sang mga Non-Resident Tourist.
Ang nasambit nga tikang agud mahatagan ang mga foreign tourist nga ma-apply sang value-added tax refund para sa mga nabakal nga lokal nga produkto gikan sa accredited stores.
Nakasaad sa Republic Act 12079 nga ginpirmahan ni Pangulong Ferdinand Marcos Jr, nga ang mga non-resident tourists ukon foreign passport holders mahatagan sang VAT refund sa mga nabakal nga lokal nga produkto nga nagabalor sang P3,000 kag ini ang pagadal-on sa guwa sang pungsod 60 ka adlaw pagkatapos mabakal.
Mabalik ang tax refund pinaagi sa electronic bank transfer.
Ginpangunahan ni Finance Secretary Ralph Recto, Bureau of Customs Commissioner Bienvenido Rubio, kag Bureau of Internal Revenue deputy commissioner Marissa Cabreros ang pagpirma sang IRR.
