ROXAS CITY – Suportado sang Pilipinas kag Indonesia ang pagpabakod sang seguridad sa rehiyon.
Sa ginhiwat nga PH-Indonesia 13th Joint Defense and Security Cooperation Committee Meeting sa pungsod, gintuad ni DND Undersecretary for Capability Assessment and Development Angelito De Leon ang mapag-on nga diplomatic relations sang Pilipinas kag Indonesia.
Ginsiguro man sini ang commitment sang pungsod nga matigayon ang mga nakasaad sa 1997 Philippines-Indonesia Agreement on Cooperative Activities in the Field of Defense and Security. Sa bahin naman sang Indonesia, ginpromisa ni Director General for Defence Strategy Major General Ujang Darwis, nga labi pa nila nga pabaskugon ang border security kag defense cooperation sa tunga sang mga kaalyado nga pungsod kasubong sang Pilipinas.
