Nagkasugot ang gobyerno sang Pilipinas kag Vietnam nga pabaskugon ang supply sang bugas bilang kabahin sang long-term food security.
Suno kay Agriculture Secretary Francisco Tiu Laurel Jr., ang kasugtanan kabahin sang mas malapad nga plano sang gobyerno sa pagpabakod sang mga pakig-upod sa negosyo upod sa mga mayor nga mga kaupod sa agrikultura sang pungsod.
Nahimo ang kasugtanan matapos ang high-level discussions sa tunga sang mga opisyal sang Pilipinas, lakip na si President Ferdinand Marcos Jr., kag Vietnamese Prime Minister Lê Minh Hưng sasidelines sang 48th ASEAN Summit sa Cebu.
Sa idalum sang isa ka tuig nga kasugtanan, ang Vietnam magahatag sang mga 1.5 million metric tons sang bugas sa Pilipinas.
Ang ini nga kasugtanan ginalauman nga makabulig sa pagpataas sang national buffer stocks kag mapabilin nga estable ang presyo sang bugas sa tunga sang supply pressure.
Suno sa Department of Agriculture, ang una nga shipment sang imported nga bugas gikan sa Vietnam ang ginalauman nga maga-abot sa Abril 2027 sa tion nga matapos na ang kasugtanan.
