Maga-donate ang Pilipinas sang 40 ka mga generator sets sa Ukraine bilang bulig sa tunga sang nagapadayon nga kahalitan sa imprastraktura bangud sa giyera batuk sa Russia.
Katuyuan sang donasyon nga makabulig sa supply sang kuryente kag heating sa mga lugar nga apektado sang pagpang-atake.
Nagpasalamat naman si Ukrainian Deputy Foreign Minister Olexandr Mischenko sa bulig sang Pilipinas, kag ginpahaya nga ang mga generator gamiton para sa heating ilabi na kon maigo sang shelling ang ila critical infrastructure.
Ginpahayag naman ni Ukrainian Ambassador to Manila Yuliia Fediv nga ginatapos na san ila embahada kag sang opisina ni Senador Erwin Tulfo ang proseso sang pagpadala.
Suno sa Department of Foreign Affairs, kabahin ini sang padayon nga pagpabaskog sang relasyon sang Pilipinas kag Ukraine pagkatapos sang political consultations sa tunga sang duha ka pungsod.
Ginalauman nga magaabot ang mga generator antes magsugod ang matugnaw nga panahon sa Ukraine, nga makabulig sa pagsabat sa mga kinahanglanon sang mga apektado nga komunidad.
