Magalunsyar ang Department of Energy (DOE) sang pinakauna nga national oil stockpiling program sa pungsod agud amligan ang ekonomiya gikan sa posible nga krisis sa suplay sang gatong.
Sa idalum sang Partnership On Wide Energy and Resources Resilience Asia (POWERR Asia), ang Pilipinas magabuligay sa mga foreign institution kag private sector sa pagtukod sang mga pasilidad sang oil stockpiling
Magapadala ang Ministry of Economy, Trade and Industry sang Japan sang mga expert sa masunod nga mga inadlaw agud magsugod sang feasibility studies.
Gina-engganyo man sang DOE ang mga developer nga magpakig-upod sa mga Japan Company, kaangay sang Japan Bank for International Cooperation, agud masiguro ang nagakaigo nga pondo kag engineering support.
Sa subong, temporary nga ginpauntat sang DOE ang emergency procurement bangud bastante na ang reserba sang pungsod subong kag yara pa sa luwas nga lebel.
