Ginpakilala sang Department of Tourism sa mga local kag international tourist ang mga sikat nga Muslim-friendly destinations sa pungsod.
Ini pinaagi sa tatlo ka adlaw nga Salaam 2024: Travel and Trade Expo sa Quezon City nga ginpatigayon kahapon.
Tinutuyo sini nga aktibidad nga mapataas ang visibility sang Filipino Halal kag Muslim-friendly sa pungsod para sa pareho nga mga produkto kag destinasyon.
Suno sa ahensya, ang showcase sang Halal-certified kag Muslim-friendly nga mga serbisyo ang nagapakita sang importansya nga ginahatag sini sa paggastos sa mga lokal kag dumuluong nga
Muslim travelers.
Sa isa ka pahayag, ginsiling ni Tourism Sec. Christina Frasco nga ang Quezon City isa ka instakto nga lugar para sa Saalam, bilang isa sa mga Muslim-friendly local government units sa Metro Manila.
Makit-an sa Salaam 2024 ang masobra 30 booth nga nagatan-ay sang mga discounted travel package, accommodation, kag lokal nga delicacy kag crafts.
Pila sa mga produkto nga ginpakita amu ang sikat nga Sultan Kudarat Robusta coffee kag ang mga maduagon nga panapot sang Yakan sang Zamboanga.
