Nagbag-o sang direksyon ang balance of payments (BOP) sang pungsod kag nakarekord sang USD226 milyones nga sobra sang Hunyo 2025, gikan sa USD155 bilyones nga deposit sa amo man nga panahon sang nagligad nga tuig.
Suno sa Bangko Sentral ng Pilipinas (BSP), ini bangud sa foreign currency deposits sang gobyerno nasyonal (NG) sa bangko sentral kag iban pa nga investment income sang bangko sentral.
Nagresulta ini sa pagnubo sang deficit sa posisyon sang Balance of payments sang pungsod sa una nga katunga sang tuig sa USD5.6 bilyon halin sa USD5.8 bilyon sang nagligad nga tuig.
Ang Balance of payments amo ang kabug-usan sang mga transaksyon sa ekonomiya sang isa ka pungsod sa iban nga bahin sang kalibutan sa isa ka partikular nga panahon.
Ang kabug-usan nga posisyon mahimo nga yara sa sobra, kakulangan ukon balanse.
Ginatumod sang BSP ang karon nga depisit sang balance of payments sa nagapadayon nga trade in goods deficit.
Ang datos gikan sa Philippine Statistics Authority (PSA) nagapakita nga ang trade deficit sa una nga katunga sang tuig ang yara sa USD 19.7 bilyones, mas manubo ipaanggid sa USD 20.7 bilyones sa amo man nga panahon sang nagligad nga tuig.
Sa tunga sang epekto sang trade deficit, ginpahayag sang BSP nga ang padayon nga net inflows gikan sa personal nga remittances halin sa mga overseas Filipinos, foreign borrowings sang NG, kag foreign portfolio investments ang nagpugong sa deficit sa posisyon sang BOP.
Nagdala ini sang gross international reserves (GIR) sang pungsod sa katapusan sang Hunyo sa USD106 bilyon halin sa USD105.2 bilyon sang Mayo.
