Nagpanindugan ang Department of National Defense (DND) nga magapadayon ang pagdepensa sang mga kinamatarong kag teritoryal nga integridad sang Pilipinas sa West Philippine Sea samtang ginamarkahan sang pungsod ang ika-10 nga anibersaryo sang 2016 Arbitral Award.
Suno kay Defence Secretary Gilberto Teodoro Jr., signipikante ang ruling bangud ginkilala sini ang mga kinamatarung sang pungsod sa sulod sang iya Exclusive Economic Zone (EEZ).
Ginhatagan niya sang importansya nga nagadaku ang ihibalo kag suporta sang mga Pilipino angot sa depensa sang West Philippine Sea.
Ginpahayag ni Teodoro nga ang Department of National Defense kag ang Armed Forces of the Philippines (AFP) magapadayon sa pagpabaskog sang ikasarang sa depensa sang pungsod samtang ginaamligan ang mga ganansya sa seguridad.
Dugang sini nga ang Pilipinas magapabilin nga komitido sa pagtuman sang international law—partikular ang 1982 United Nations Convention on the Law of the Sea (UNCLOS)—kag indi pagtugutan nga madula ang kinamatarung sang pungsod sa West Philippine Sea.
