Dalayon na nga ginbaton ni Presidente Ferdinand R. Marcos Jr. ang katungdanan bilang bag-o nga Chairman sang Association of Southeast Asian Nations (ASEAN) matapos nga ginpasa ni Malaysian Prime Minister Anwar Ibrahim ang ASEAN Chairship gavel sa iya sa ginpatigayon nga closing ceremony sang 47th ASEAN Summit kag mga kaangot nga pagsinapol.
Ang seremonya ang ginpatigayon sa Bangkok, Thailand, kun sa diin nagtililipon ang mga lider sang ASEAN agud hinalaan ang mga importante nga isyu sa rehiyon, kalakip ang seguridad, ekonomiya, kag kooperasyon pangrehiyon.
Sa iya malip-ot nga speech, ginpahayag ni Presidente Marcos Jr. ang pagpasalamat sa pagsalig nga ginhatag sa Pilipinas kag ginpasigurado ang iya nga dedikasyon sa pagduso sang kalinong, kauswagan, kag paghiliusa sa Southeast Asia.
Nahibaluan nga ang Chairship sang ASEAN ang isa ka tuigan nga obligasyon na ginatungdan sang isa ka pungsod nga myembro sini, nga may katuyuan nga pagdumalahan ang mga pagsinapol, mga adbokasiya sang organisasyon, kag pabaskugon ang koordinasyon sang mga myembro nga kapungsuran.
Madumduman nga ang Pilipinas ay ulihi nga naghawid sang ASEAN Chairship sang 2017, kun sa diin nangin sentro sang mga paghinun-anon ang inclusive growth, maritime security, kag regional connectivity.
