Pilipinas, pormal na nga ginbaton ang pag-host para sa 7th Asian Beach Games sa Cebu

Opisyal na nga ginkumpirma sang Pilipinas nga ini ang maga-host para sa 7th Asian Beach Games nga pagahiwaton sa Cebu sa tuig 2028.
‎
‎Ginpirmahan ni Philippine Olympic Committee (POC) President Abraham “Bambol” Tolentino ang kontrata sa Conifer Resort, Sanya, China, upod kay OCA President Sheikh Joaan bin Hamad Al Thani.
‎
‎Suno kay Tolentino, madugay na humalin sang ulihi nga nag-host ang pungsod sang isa ka mayor nga Asian sports event.
‎
‎Sa subong, yara sa ikatlo nga pwesto ang Pilipinas sa medal standings.
‎
‎Magluwas sa Asian Beach Games, ang Pilipinas ang maga-host man sang Southeast Asian Plus Youth Games sa Disyembre 2027. Tatlo ka bulan pagkatapos sini, ang Cebu ABG pagahiwaton sa Marso 2028.