Nakikita ni Pangulong Ferdinand Marcos Jr., nga isa ang Pilipinas sa makakuha sang pinakamataas nga growth rate ukon pagdabong sang ekonomiya sa mga masunod nga tuig.
Suno sa Presidente, ini bangud sa padayon nga pagtimakas sang gobyerno nga pabaskugon pa ang ekonomiya sang pungsod sa pihak sang mga na-eksperyensyahan nga pagtilaw.
Importante suno diri nga ang kasubong sini nga projection ilabi na nga nagatimakas ang gobyerno nga magbangon nagikan sa epekto sang tig-ilinit kadungan man sa pagpreparar sa palaabuton nga tig-ululan.
Dugang pa sini nga sa karun yara na sa 3.5% ang inflation rate sang pungsod.
Sulod ini suno diri sa target nga 2% tubtob 4% nga inflation rate sang gobyerno kadungan sang pagtimakas nga mapabilin ang inflation sa manageable level.
