Ginsulatan ni Senador Koko Pimentel si Senate President Chiz Escudero agud ipalab-ot nga kinahanglan talakayon na sang Senado ang impeachment complaint batuk kay Vice President Sara Duterte bangud base suno diri sa Konstitusyon ang tinaga nga “forthwith,” nga may Filipino translation nga “agad.”
Sa isa ka sulat nga may petsa Pebrero 14 kag ginpaguha kahapon Pebrero 18, ginhatagan sang pagtamod ni Pimentel ang “constitutional mandate” kung sa diin kinahanglan suno diri nga mag-aksyon gilayon ang Senado sa impeachment case ni Duterte.
Ginsambit man ni Pimentel ang buot silingon sang tinaga nga “forthwith” sa Merriam Webster Online Dictionary nga “without any delay” ukon “without interval of time.”
Kaangut sini, wala pa sang may ginpaguha nga sabat ukon pahayag si Escudero para sa nasambit nga isyu.
Matandaan nga ginsiling ni Escudero nga magasugod ang hearing sang Senado sa ginpapasar nga impeachment complaint batuk kay Duterte pagkatapos sang State of the Nation Address (SONA) ni Pangulong Ferdinand “Bongbong” Marcos Jr.
Sadtong Pebrero 5 sang mapasaka na sa Senado ang ika-apat nga impeachment complaint laban kay Duterte matapos ini nga maaprubahan sang House of Representatives pinaagi sa masobra 215 nga mga mamalidha ang nagpirma.
