Gin-aprubahan na sang Senado ang 2026 budget sang Department of Education (DepEd), nga ginakabig nga pinakadako nga pondo para sa sektor sang edukasyon sa kasaysayan sang pungsod.
Ginakabig ini nga dako nga kadalag-an para sa tagsa ka bata nga Pilipino kag pamatuod sang pagsalig sa mga reporma nga ginaduso ni Education Secretary Sonny Angara.
Suno sa DepEd, ang pag-apruba sang pondo ang naka-base sa direktiba ni President Ferdinand R. Marcos Jr. nga pasangkaron ang mga tikang agud nga ipasaka ang kalidad sang edukasyon sa pungsod.
Ginsigurado sang ahensya nga mas mapadasig kag mapaayo sini ang serbisyo nga maihatag sa mga manunudlo kag estudyante sa bug-os nga Pilipinas.
Nagpasalamat ang DepEd sa ginhatag nga suporta kag pagsalig sang lehislatura sa ila nga mga programa kag katuyuan nga mapasangkad ang lebel sang edukasypon para sa mga kabataan nga Pilipino.
