Gin-anunsyo sang Armed Forces of the Philippines (AFP), nga ang 2026 “Balikatan” military exercises ang mangin pinakadaku na gid nga pagahimuon sa tunga sang Philippines kag United States.
Suno kay AFP Chief Romeo Brawner Jr., indi lamang ini sa kadamuon sang tropa kundi pati man sa kadaku sang mga aktibidad nga pagahimuon.
Lakip sa mga ehersisyo ang disaster response, noncombatant evacuation operations, cyber defense kag pati space-related activities nga magapalapad sang kahandaan sang mga pwersa.
Sa sini nga tuig, magapartisipar man ang Japan bilang combat force kag indi na lamang observer, nga nagapakita sang mas madalom nga kooperasyon sa tunga sang mga kaalyado.
Ginpahayag sang AFP nga ini nga mga ehersisyo nagatuyo nga mapabaskog ang depensa kag kahandaan sang mga nasud batok sa nagabag-o nga mga hulga sa rehiyon.
