Nakaguha na sa presohan ang ginakabig nga pinakatigulang nga political prisoner sa pungsod.
Suno sa grupo nga KAPATID excited sila sa pagguha ni Gerardo Dela Pena, 85 nagikan sa New Bilibid Prison sa Muntinlupa sining Hunyo 30.
Dugang pa ni KAPATID spokesperson Fides Lim, nga nakaupod na ni Gerardo ang iya asawan nga si Pilar nga nakapauli sa ila balay.
Isa ini sa kadalag-an sa human rights apang isa ka pagpahanumdom sa madamu nga mga pagtilaw nga paga-atubangon sa paghilway sang mga political prisoners.
Matandaan nga gin-aresto si Dela Pena sadtong Marso 13, 2013 sa edad nga 75 sa Vinzon, Camarines Norte bangud suno sa pagpatay sa iya gumangkon nga ginpanginwala naman ini.
Gin-ako sang New People’s Army ang pagpatay apang nasintensyahan sa gihapon si Dela Pena sang 12 ka tuig nga pagkapreso.
