Nagtaliwan na ang ginakabig nga pinakatigulang nga tawo sa US nga si Elizabeth Francis sa edad nga 115.
Nakilala si Francis bilang si “Queen Elizabeth” sang Houston kag pila sa mga tawo na isa ka supercentenarian ukon ang tuig nga nagpangabuhi sang masubra110.
Suno sa apo sini nga si Ethel Harrison nga amo ang nagtindog bilang taga-atipan napuno ang kuwarto sang lola sini sang mga plaque, proclamations kag naka-framed nga birthday cards nga halin kay anay Presidente Barack Obama, Bill Clinton kag madamu nga iban pa.
Bag-o ang kamatayon sini ang nangin pang-21 nga pinakatigulang nga tawo sa kasaysayan sang US si Francis kag pang-54 nga pinakatigulang nga tawo nga nabuhi.
Ang utod sini nga si Bertha Johnson ang nagtaliwan sa edad nga 106 sadtong 2011 kun sa diin pareho sila nga nagpagkit sang record nga mag-utod nga may tigulang nga edad sa bug-os nga kalibutan.
