Planado na ang pagbakuna sa mga baboy sa masunod nga semana bilang pagprotekta sa mga ini batuk sa paglapta sang African swine fever (ASF).
Gintalana sang Department of Agriculture (DA) ang rollout sang mga bakuna sa Agusto-20, adlaw sang Martes, sa probinsya sang Batangas nga sa karon yara sa idalum sang state of calamity.
Sa inisyal nga plano sang ahensiya, duha ka libo nga mga bakuna ang igabakuna sa mga baboy nga panag-iya sang mga hog raiser nga nagboluntaryo.
Ang mga nasambit nga bakuna amu ang donasyon sang kompanya nagikan saVietnam kun sa diin una na nga nagbakal ang gobyerno sang linibo nga mga dose.
Samtang, ginsiguro naman sang DA nga may bastante ini nga pondo sa idalum sang indemnification program para sa mga hog raiser nga may mga ginahuptan nga baboy nga magapaidalum sa culling operation bangud sa epekto sang ASF.
Sa idalum sang programa, pagabayaran sang P4,000 ang mga magagmay nga baboy; P8,000 ang mga medium, samtang P12,000 ang mga dalagko nga baboy.
