Isa ka tumalagsahon nga soft-serve ice cream nga may fresh oysters ang ginabaligya subong sa isa ka icecream store sa diin nakakuha ini sang atensyon bangud sa pinasahi sini nga kombinasyon.
Ang nasambit nga icecream ang ginabaligya sang Michino-eki Yamada sa Iwate Prefecture, sa Japan.
Ang dessert ang ginabug-usan sang creamy soft-serve ice cream nga may preska nga talaba halin sa Yamada Bay, kag may espesyal nga patis sa ibabaw sini.
Apisar makatilingala ang kombinasyon, madamo sang nagasiling nga manamit ini kag luyag pa nila nga magbalik-balik.
Bangud sa mga nagalapta nga litrato sa social media, madamo ang naghunahuna nga ini ang ginhimo lamang sang AI apang madamo man sang nagdayaw sa creativity sang mga hapon.
Ang oyster soft-serve sa subong nga tig-ilinit ang ginabaligya sa balor nga 600 yen ukon kapin P225 kada cone.
Bantog man ang Japan sa iban pa gid nga soft-serve creations, kaangay sang matcha-covered ice cream kag soft-serve nga gina-serbe kadungan sa ramen.
