Ka bom-bo fan ka man bala sang loveteam nga Romeo and Juliet?
Didto sa Estonia, pinasahi nga version sang teatro sang klasiko nga drama ni Shakespeare nga “Romeo and Juliet,” kun sa diin ang mga aktor nga nagdula amo ang dalagko nga mga salakyan kag construction vehicle.
Ang dula nga may tig-ulo nga “Romula ja Julia,” nga gin-representar sang Kinoteater, ang ginpasundayag sa isa ka abandonado nga limestone quarry sa Estonia.
Sa baylo sang mga aktor, ang istorya sang gugma ginsaysay paagi sa mga hulag kag mga interaksiyon sang mga salakyan.
Sa sining pinasahi nga produksyon, si Romeo ginalaragway sang isa ka rally truck, samtang si Juliet isa ka pula nga Ford pickup truck.
Suno sa mga direktor nga sanday Henrik Kalmet kag Paavo Piik, ang drama isa ka eksperimento agud mahibaluan kon posible nga mapaalinton ang mga emosyon gamit ang mga makina sa baylo sang mga tawo.
Ang palagwaon nakakuha sang positibo nga mga reaksyon gikan sa mga tumalan-aw.
Ginlaragway man ini sang iban nga isa ka “makatalandog” kag “emosyonal”nga palagwaon.
