Pinay boxer Villegas, nagtakup lamang sa bronze medal matapos ginlutos ni Cakiroglu sang Turkey

Bigo nga makausad sa finals sang women’s 50 kgs. boxing si Pinay boxer Aira Villegas sa nagapadayon nga Paris Olympics 2024.

Ini matapos ginlutos Buse Naz Cakiroglu sang Turkiye pinaagi sa unanimous decision.

Buot silingon sini, bronze medal lamang ang nakuha ni Villegas.

Halin sa nagsugod ang hampang, dominado na ni Cakiroglu ang hampang.

Gintinguhaan pa ni Villegas nga makalagas nga kun sa diin napatumba sini si Cakiroglu apang gilayon naman nga nakabawi ang nasambit nga Turkish boxer.

Gin-ako ni Villegas nga nangin makusog ang nakasumpong sini kag ginsiguro sini nga magabawi ini sa mga masunod pa nga international boxing event