ROXAS CITY – Viral karon sa social media site na Facebook ang panawagan sang isa ka lalaki nga OFW nga ginapangita ang nadula nga abyan kag kasimaryo nga si Roselyn Parcon 38-anyo sang Barangay Bita, banwa sang Dao, Capiz.
Ba-se sa video nga ginpost sa FB ni John Nelson Buenafe Vasquez nga apat ka adlaw nga missing si Parcon matapos ini nga magday off sang nagligad nga Lunes.
Naglisensiya sa iya employer ang Capizeña OFW nga magalagaw kaupod ang mga abyan, apang wala na ini nakabalik sa balay sang iya nga employer.
Nahibaluan nga duha ka tuig na nga nagatrabaho sa Damam, Saudi Arabia bilang household helper si Parcon, nga may apat ka mga anak nga nabilin sa Pilipinas.
Ginahinyo sa karon sang pamilya ni Parcon sa iban nga mga OFW’s nga i-share ang nasambit nga video para maglapta kag makalab-ot kun diin man sa karon ang nasambit nga pinay OFW.
